تبلیغات
میلکان که‌ڵهوڕ

میلکان که‌ڵهوڕ
her bijî kurd 
قالب وبلاگ
نویسندگان
نەزەر سەنجی
ئیوه له کام پارێزگا هاتینه‌سه ناو ئه‌ی ماڵپه‌ره؟








لینک هاورێەیل
لاپەڕەیل تر

وه‌ختێ ک دلم گریه‌ێ تیه‌ی بغز دڵم وا که‌ی

زانم ک هه‌وا خوامی، حه‌یفه که ت حاشا که‌ی

سه‌د دویز و که‌ڵه‌ک دێدن، هه‌ر جا ک بچم ته‌یدن!

سه‌نگ بوود ته‌ره‌ک به‌یدن، ئی جووره ته‌ماشا که‌ی

له‌ی باخه په‌لی وشکم تا باڵ و په‌ڕی وا که‌ی

هه‌ر جوور مه‌لویچگ تیه‌ی، له‌ی بان په‌له جا که‌ی

که‌م دی ت هه ده‌س ده‌س که، گلیه‌ی له‌ م دی به‌س که

شێته‌یل په‌ڕینه‌و گشت، تا‌گه‌ر که ت  پاپا  که‌ی

که‌ی بوود هه چوی ئه‌وسا، بایدن ت وه ئی ده‌ورا

چوین دڵخوه‌شی گه‌ورا، له‌ی ناو دڵه وه‌ر‌پا که‌ی

له‌یره هه ‌ده‌نگ و باسه، ئویشن ک ت تیه‌ی راسه!

به‌و پا قه‌ده‌مد خاسه، ئێ مڵکه ت ئاوا که‌ی



رزا مه‌وزوونی

داڵگه قه‌سه‌م وه‌ئشق وخوه‌شه‌ویسییم ئه‌ راد ئه‌و ئشق راسیه‌‌ ك له‌ گشت دونیا له‌وینه‌ى نیه‌

ت ئاساره‌ید له‌ ئاسمانم

ت سه‌رچه‌وه‌ى دڵسووزیید ئه‌رام  

باوه‌ش گه‌رمد ئارامترین شوونمه‌

عه‌تر هه‌ناسه‌د له‌عه‌تر گوڵ خوه‌شتره‌

سیماى ساف بیگه‌ردد له‌زه‌ڕ مانگ ڕووشنتره‌ ‌

داڵگه‌ ت هایده ناو‌ خوین وهویر وئه‌قڵم ،

ت گلاره‌ی چه‌وه‌یلمید، ت نیشتمان و خاكمید

ت  ڕپه‌ڕپ دڵمید، رووشناكه‌ر ماڵه‌گه‌مید،

داڵگه‌ گیان ئه‌ى جوانترین خه‌ڵات خودایى

ته‌نیا ئومیدم ئه‌وه‌سه‌ له‌سووزد بیبه‌ش نه‌وم

ئه‌ى نازار دڵ، ئه‌ى داڵگه‌ دڵسووزه‌گه‌م.
نه‌سرین مێرزا


هایه منم ده‌روه‌ده‌ریگ له‌ كویچه‌باخ ئاسمان

چه‌ن ساڵه هامه شوونده‌و ته‌نیا وجاخ ئاسمان!

هه‌م تویكه تویك وه‌فره‌گه‌ێ ساڵه‌ێل بێ مانگه‌شه‌وه‌

له‌ێ ته‌م ته‌مه لویلانمه ها كوو چراخ ئاسمان؟

ئمشه‌و دواره شاێرى خسته‌مه هویر كووچ ت

یه‌ێ ده‌ف تره‌ك كولانیده‌و هه‌م شوون داخ ئاسمان

له كه‌وكه‌وین ئه‌و چه‌وه خوه‌زیه‌و كه‌مووته‌رێ بویام

سیمرخ قافیش رێ نیه‌ن له بان كاخ ئاسمان

گرمه‌هڕ ئه‌ورێ بوى و هه‌ساره‌ێ كاره‌وان كوشێگ

له گووشم نیشته‌جا بویه هاوار و ئاخ ئاسمان


عه‌لی ئولفه‌تی

 
 پرشه‌ی نقره‌وه‌ش تاف ئاوانی !
تیول تازه‌ره‌وز سه‌ر سه‌راوانی !

سروه‌ی وای نه‌سیم سووز سوه‌یلی !
شنه‌ی باشه‌مال سه‌ر کیوه‌یلی !

بو هناسه‌ی خوه‌ش گول سه‌د باخی 
پرک په‌نیره‌ی وه‌فر ئیلاخی !

ت نه‌سیم سوو م سووز سه‌ردی 
ت چیوزه‌ی نه‌وره‌س م وه‌لنگ زه‌ردی 

ت گولبانگ سوو سفیدی سه‌حه‌ر
م سه‌ردی ساکی زه‌ردی خوه‌روه‌ده‌ر 

وینه‌ی ترنگه‌ی ئاو خاتر خوازدم
‌بخچه‌ی سه‌ر به‌سیای ریزه‌ی رازدم‌ 
سه عید عباده تیان



طبقه بندی: شعر کلهری،
[ جمعه 2 تیر 1391 ] [ 10:49 ق.ظ ] [ ali ]
.: Weblog Themes By SibTheme :.

لە بارەێ ماڵپەڕ


ئاخرین مەتلەب
لیست آخرین مطالب
آمار سایت
نووڕسنەیل ئمڕۆ : نفر
نووڕسنەیل دو"ەکە: نفر
گیشت نووڕسنەیل : نفر
نووڕسن ئەێ مانگە: نفر
نووڕسن مانگ قەبڵ: نفر
نو"سەرەیل : عدد
گیشت مەتڵەبەگان : عدد
ئاخرین وە ڕۆژ ڕەسانن :
امکانات وب
Online User